केपी ओली कपको उपाधिका लागि मधेस र आर्मी मैदानमा, मधेस ब्याटिङमा
हाम्रा कुरा
प्रकाशित २०८० मंसिर १५ शुक्रबार
460
Shares
तस्बिर – फाइल ।
कास्की । पोखरामा जारी ‘केपी ओली कप टी–२० राष्ट्रिय क्रिकेट’ को उपाधिका लागि अहिले विभागीय त्रिभुवन आर्मी क्लब र मधेस प्रदेश भिड्दै छन् । पोखरा रङ्गशालास्थित क्रिकेट मैदानमा टस जितेर मधेसले पहिले ब्याटिङ गर्दैछ ।
हिजो भएको सेमिफाइनलमा आर्मीले बागमती प्रदेशलाई ४ विकेटले पराजित गरेको थियो । त्यस्तै मधेसले सशस्त्र प्रहरीको एपीएफलाई ११ रनले हराएको थियो ।
मदन भण्डारी स्पोर्टस् एकेडेमीको आयोजनामा भइरहेको प्रतियोगिताको विजेताले रु पाँच लाख, शिल्ड, मेडल र प्रमाणपत्र पुरस्कार प्राप्त गर्नेछ।
यसैगरी उपविजेता टोलीले रु दुई लाख ५० हजार, शिल्ड, मेडल र प्रमाणपत्र पुरस्कार पाउनेछ ।
प्रतियोगितामा ‘म्यान अफ द सिरिज’ले नगद रु ३० हजार, ‘बेस्ट बलर’ले रु २० हजार पुरस्कार पाउने आयोजक मदन भण्डारी स्पोर्टस् एकेडेमीले जनाएको छ ।
