-
-
-
-
काठमाडौँ । १५ महिना कार्यकाल बाँकी छँदै नेपाल आयल निगमका कार्यकारी निर्देशक उमेशप्रसाद थानीले राजीनामा दिएका छन् ।
उनले दिउँसो उद्योग, वाणिज्य तथा आपूर्ति मन्त्रालयमा पुगेर मन्त्री रमेश रिजाललाई राजीनामा दिएका हुन् ।
थानीले घरायसी कारण देखाएर राजीनामा दिएको मन्त्रालयले जनाएको छ । थानीले आफू राजनीतिक व्यक्ति भएकाले धेरै समय एकैठाउँमा नबस्ने बताए ।
उनले संस्थाको घाटा टरिसकेको र स्वचालित प्रणालीमा गइसकेकाले अब आयल निगममा बसिरहनुको अर्थ नरहेको बताए ।
यसअघि पनि आफू निकटकालाई अब निगममा बसिरहन आवश्यक नभएको बताउँदै आएका थिए ।
