सांसद शर्मा २५ स्वास्थ्यकर्मी लिएर प्यूठानमा, ११ सय बढीको उपचार [फोटोफिचर]
बिहीबार दाङ र शुक्रबार कपिलवस्तुमा निःशुल्क उपचार गर्ने
हाम्रा कुरा
प्रकाशित २०८० पुष ४ बुधबार
1.4k
Shares
काठमाडौँ । नेपाली कांग्रेसका सांसद डा. सुनीलकुमार शर्मा चिकित्सकको टोली लिएर प्यूठान गएका छन् । काठमाडौँ मेडिकल कलेजका चिकित्सकको टोली लिएर उनी प्यूठान गएका हुन् ।
प्यूठानको गौमुखी गाउँपालिका वडा नं ५ ठूलाबेसीको आयोजनामा नौमुखी उच्च माविमा भएको शिविरका लागि डा. शर्मा आफैँले टोली लिएर गएका हुन् ।
जहाँ एक हजार १२३ बिरामीले उपचार गराएका थिए । सो क्रममा ७६ जनाको इको, ४९ जनाको ईसीजी, २०३ जनाको ल्याब, १५८ जनाको अल्ट्रासाउन्ड गरिएको केएमसीका प्रबन्धक नारायण दाहालले बताए ।
त्यस्तै ९२ जनाको दाँत खोलिएको थियो भने ४० जनालाई ओटी रेफर गरिएको थियो ।
सो क्रममा डा. शर्माले प्यूठानबाट शल्यक्रियाका लागि केएमसीमा पुग्ने बिरामीलाई सतप्रतिशत छुट उपलब्ध गराउने पनि बताए ।
डा. शर्माको टोलीले ५ गते बिहीबार दाङमा र ६ गते कपिलवस्तुमा निःशुल्क स्वास्थ्य शिविर गर्ने बताएका छन् ।
सो क्रममा प्रदेश सांसद निमा गिरीले डा शर्माको खुलेर प्रशंसा गरेकी थिइन् ।
शर्मासँग २५ जनाको चिकित्सकको टोली गएको हो ।
डा. शर्माले केएमसी र नोबल टिचिङ हस्पिटल सम्हालेपछि स्वास्थ्य शिविर धेरै भन्दा धेरै गरेर सामाजिक उत्तरदायित्व बहन गरिरहेका छन् ।
