-
-
-
-
काठमाडौँ । कोशी प्रदेश प्रधानमन्त्री कप महिला टी–२० क्रिकेट प्रतियोगिताको फाइनलमा पुगेको छ । सोमबार सम्पन्न दोस्रो क्वालिफायरमा कोशी प्रदेशले सुदूरपश्चिम प्रदेशलाई ९ विकेटले पराजित गर्दै फाइनलमा पुगेको हो ।
सुदूरपश्चिम प्रदेशले दिएको ८९ रनको लक्ष्य पछाएको कोशी प्रदेशले १३ ओभरमा एक विकेट गुमाउदै लक्ष्य पूरा गरेको थियो । यसअघि पहिला ब्याटिङ गरेको सुदूरपश्चिम प्रदेशले २० ओभरमा ७ विकेट गुमाएर ८८ रन मात्र बनाएको थियो ।
अब कोशी प्रदेशले बुधबार फाइनलमा सशस्त्र प्रहरीको एपीएफको सामना गर्ने नेपाल क्रिकेट संघ क्यानले बताएको छ । एपीएफले यसअघि पहिलो क्वालिफायरमा कोशी प्रदेशलाई नै पराजित गरेर फाइनलमा पुगेको थियो ।
