विराटनगर । तराई–मधेस लोकतान्त्रिक पार्टीका अध्यक्ष महन्थ ठाकुरले मधेसको मागको सम्बोधन नभए आन्दोलनमा जानु बाहेक अन्य विकल्प नरहेको बताएका छन् ।
पार्टीद्वारा शुक्रबार अपराह्न विराटनगरमा आयोजित पत्रकार सम्मेलनमा उनले तीनबुँदे सहमतिअनुसार संविधान संशोधन नभएसम्म संविधान स्वीकार हुन नसक्ने स्पष्ट पारे ।
संशोधन प्रस्ताव दर्ता गरेर मात्र नपुग्ने बताउँदै उहाँले सीमाङ्कन तथा अन्य विषय अन्तरिम संविधानअनुसार सम्बोधन हुनुपर्ने माग गरे। रासस
