-
-
-
-
काठमाडौँ । बाल यौन दुराचारको आरोपमा पक्राउ परेका रामबहादुर बमजनलाई सर्लाही जिल्ला अदालतमा उपस्थित गराइएको छ ।
नेपाल प्रहरीको केन्द्रीय अनुसन्धान ब्युरो (सीआईबी) ले बमजनलाई सर्लाही जिल्ला अदालतमा उपस्थित गराएको हो ।
अहिले न्यायाधीश विष्णुप्रसाद रेग्मीको इजलासमा बयान भइरहेको छ । बयान सकिएसँगै थुनछेक बहस हुने अदालतका श्रेस्तेदार सुदन अधिकारीले बताए ।
बमजनलाई सीआईबीले मंगलबार पक्राउ गरेको थियो ।
नेपाल प्रहरीले २०७६ सालमा नै सर्लाहीमा एक नवबालिकामाथि यौन दुराचार गरेको अभियोग लागेका बमजनलाई खोजी गर्दै आएको थियो ।
मंगलवार बेलुका उनलाई प्रहरीले काठमाडौंको हात्तीगौंडास्थित निवासबाट पक्राउ गर्न सफल भएको हो ।
थप अनुसन्धानको क्रममा उनको घरबाट १७ देशका विभिन्न मुद्राहरू (नेपाली रकम ३० लाख ९२ हजार ४० धनराशि) बरामद गरिएको छ ।
उनीमाथि आफ्ना चेलाहरूको हत्या गरेको आरोप पनि लगाइएको छ ।
