लमजुङका रुसी सेनामा गएका साजनको मृत्यु

हाम्रा कुरा

प्रकाशित २०८० माघ २ मंगलबार

लमजुङ । रुसी सेनामा भर्ना भएका लमजुङका अर्का युवाको मृत्यु भएको छ। लमजुङ दूधपोखरी गाउँफालिका १ का ३२ वर्षीय साजन गुरुङको मृत्यु भएको हो ।

उनको रुस–युक्रेन युद्धमा मृत्यु भएको खबर आएको वडाध्यक्ष दुर्गामान गुरुङले बताए । गुरुङका अनुसार उनको मृत्युको खबर चार–पाँच दिनअघि आएको हो। वैदेशिक रोजगारीमै रहेका उनका भाइ कुमारले साजनको मृत्युको खबर पठाएका थिए ।

गुरुङका अनुसार साजन तीन–चार महिनाअघि मात्रै रुसी सेनामा गएका थिए । उनी के कसरी रुसी सेनामा पुगे भन्नेबारे खोजी थालिएको वडाध्यक्ष गुरुङले बताए।