चौथो टी–२० मा पनि पाकिस्तान निरीह, न्यूजिल्याण्ड ह्वाइटवासतिर

हाम्रा कुरा

प्रकाशित २०८० माघ ५ शुक्रबार

काठमाडौँ । न्यूजिल्याण्डले पाकिस्तान विरुद्धको चौथो टी–२० क्रिकेटमा पनि हार बेहोरेको छ । क्राइस्टचर्चमा भएको खेलमा न्यूजिल्याण्ड ७ विकेटले विजयी भएको हो ।

१५९ रनको चुनौती न्यूजिल्याण्डले १८.१ ओभरमै ३ विकेटको क्षतिमा पूरा गर्यो । चौथो विकेटका लागि डेरिल मिचेल र ग्लेन फिलिप्सबीच कीर्तिमानी १३४ रनको अविजित साझेदारी भएसँगै न्यूजिल्याण्डले सहज जित हासिल गरेको हो ।

टी–२० मा न्यूजिल्याण्डले चौथो विकेटका लागि यसअघि १२४ रनको साझेदारी गरेको थियो । कीर्तिमान बनाउने क्रममा मिचेलले ४४ बलमा ७२ तथा पिलिप्सले ५२ बलमा ७० रन बनाए । यसअघि २० बनाउँदा शुरुआती ३ विकेट गुमाएर न्यूजिल्याण्ड संकटमा परेको थियो । तीन वटै विकेट शहिन शाह अफ्रिदीले लिएका थिए ।