नबिल बन्यो छ महिनामा सबैभन्दा बढी नाफा कमाउने बैंक
हाम्रा कुरा
प्रकाशित २०८० माघ ७ आइतबार
1.8k
Shares
तस्बिर – फाइल ।
काठमाडौँ । नबिल बैंक चालु आर्थिक वर्षको छ महिनामा सबैभन्दा बढी नाफा कमाउने बैंक बनेको छ । बैंकले जारी आर्थिक वर्षको दोस्रो त्रैमासमा ३ अर्ब २० करोड रुपैयाँ खुद नाफा आर्जन गरेको छ ।
गत आर्थिक वर्षको सोही अवधिमा बैंकले ३ अर्ब ४१ करोड रुपैयाँ खुद नाफा गरेको थियो । आर्थिक वर्षको पहिलो ६ महिनामा वाणिज्य बैंकहरुमध्ये सबैभन्दा बढी नाफा नबिलले नै कमाएको हो ।
बैंकको खराब कर्जा (एनपीएल) ०.२६ प्रतिशत घटेर १.२ प्रतिशतमा झरेको छ । गत वर्षको सोही अवधिमा १.४६ प्रतिशत थियो ।
पुस मसान्तसम्म बैंकको खुद ब्याज आम्दानी ५.२४ प्रतिशत बढेर ८ अर्ब २४ करोड रुपैयाँ गरेको छ । गत वर्षको सोही अवधिमा बैंकले ७ अर्ब ८३ करोड रुपैयाँ खुद ब्याज आम्दानी गरेको थियो ।
६ महिनाको अवधिमा बैंकको नेट फी तथा कमिशन आम्दानी १५.७२ प्रतिशत बढेर १ अर्ब ४८ करोड रुपैयाँ रहेको छ ।
कुल सञ्चालन आम्दानी पनि ५.७५ प्रतिशत बढेर १० अर्ब ६ करोड रुपैयाँ भएको छ । सञ्चालन नाफा ६.२८ प्रतिशत घटेर ४ अर्ब ५६ करोड रुपैयाँ र वितरणयोग्य नाफा १ अर्ब ८ करोड रुपैयाँ रहको छ ।
