राजीनामा बुझाएपछि जनमतले भन्यो- काम गर्न नदिएपछि सरकारमा बस्न सकेनौँ [भिडियो]
हाम्रा कुरा
प्रकाशित २०८० माघ ९ मंगलबार
575
Shares
काठमाडौँ । डा. चन्द्रकान्त (सीके) राउत नेतृत्वको जनमत पार्टी मधेस प्रदेश सरकारबाट बाहिरिएको छ ।
मंगलवार मधेस प्रदेशका शिक्षा तथा संस्कृति मन्त्री महेशप्रसद यादव र श्रम तथा यातायात मन्त्री चन्दन सिंहले प्रदेश प्रमुख हरिशंकर मिश्रसमक्ष राजीनामा बुझाएका हुन् ।
मंगलवार बसेको जनमत पार्टीको मधेस प्रदेश संसदीय दलको बैठकले सरकारबाट बाहिरिने र सरकारलाई दिएको समर्थन फिर्ता लिने निर्णय गरेसँगै आफूहरू बाहिरिएको र सरकारलाई दिएको समर्थ फिर्ता लिएको संस्कृति मन्त्री यादवले बताए ।
उनले सरकारले जनमुखी काम नगरेको र आफूहरू मन्त्री भइसकेपछि बिना विभागीय मन्त्री बनाउने, जनमुखी काम गर्दा बाधा अड्चन गर्ने, मन्त्रालय बारम्बार फुटाउने र आफूहरूको मातहतका मन्त्रालयहरू एकल ढङ्गले चलाउने गरेको आरोप लगाए ।
सरकारको एक वर्षे कार्यकालमा पनि जनताले सरकार भएको अनुभूति गर्न नसकेको बताए ।
उनले आफूहरू जनताका काम गर्न आएकाले जनताका काम गर्न नदिएपछि सरकारमा बस्न नसक्ने बताए ।
