-
-
-
-
काठमाडौँ । छ सय भन्दा बढी बेरोजगारलाई विदेश पठाइदिन्छु भन्दै ठगी गर्ने विकास वाइवा भन्ने सुजन तामाङ पक्राउ परेका छन् । ललितपुरको कन्जोसोम गाउँपालिका ४ घर भई हाल इमाडोल बस्ने ३२ वर्षे तामाङलाई प्रहरीले पक्राउ गरेको हो ।
काठमाडौँ महानगरपालिका १६ बालाजु चोकमा युरो विङ्स एजुकेसन कन्सल्टेसन संचालन गरी आफूलाई विकास वाइवाको नक्कली परिचय दिई युरोपेली मुलुक माल्टा, पोल्याण्ड, क्रोएसिया र क्यानडा लगायतका देशहरूमा पठाइदिन्छु भनी प्रलोभनमा पारी करोडौँ रुपैयाँ ठगी गरेको भन्दै वैदेशिक रोजगार कसूर सम्बन्धी मुद्दामा पक्राउ पुर्जी जारी भई फरार रहेका तामाङलाई प्रहरीको विशेष टोलीले पक्राउ गरेको हो ।
तामाङलाई बुधबार पक्राउ गरी आवश्यक कारबाहीका लागि वैदेशिक रोजगार विभाग, ताहाचल पठाइएको प्रहरीले जनाएको छ ।
