अष्ट्रेलियाले वेष्ट इन्डिजलाई हरायो, म्याक्सवेलले गरे रोहितको बराबरी

हाम्रा कुरा

प्रकाशित २०८० माघ २८ आइतबार

काठमाडौँ । अष्ट्रेलियाका ब्याट्सम्यान ग्लेन म्याक्सवेलले टी–२० क्रिकेटमा कीर्तिमानी ब्याटिङ गरेका छन् । वेस्ट इन्डिज विरुद्धको टी–२० खेलमा ५० बलमा शतक बनाउँदै म्याक्सवेलले पाँचौँ शतक बनाएका हुन् । योसँगै म्याक्सवेलले अन्तर्राष्ट्रिय टी–२० मा सबैभन्दा बढी शतक बनाउने भारतका रोहित शर्माको बराबरी गरेका छन् ।

रोहितले १५१ खेलमा ५ शतक बनाएका छन् भने म्याक्सवेलले १०२ खेलमा पाँच शतक बनाएर कीर्तिमान बराबरी गरेका हुन् । टी–२० अन्तर्राष्ट्रिय खेलमा भारतका सूर्यकुमार यादव ६० खेलमा ४ शतक बनाएर दोस्रो स्थानमा छन् ।

वेस्ट इन्डिज विरुद्धको यो खेल अस्ट्रेलियाले ३४ रनले जितेको छ । अष्ट्रेलियाले पहिले ब्याटिङ गर्दैं २० ओभरमा ४ विकेट गुमाएर २४१ रन बनाएको छ । जसमा म्याक्सवेलले ५५ बलमा अविजित १२० रन बनाए ।