नबिल बैङ्कका ग्राहकले हेयर एण्ड शान्तिबाट सेवा लिँदा छुट पाउने
हाम्रा कुरा
प्रकाशित २०८० फागुन ५ शनिबार
2.7k
Shares
काठमाडौँ। नबिल बैङ्क लिमिटेडका ग्राहकले हेयर एण्ड शान्ति युनिसेक्स सलुनले दिने सेवा तथा सुविधा लिँदा छुट पाउने भएका छन्। यस्तो छुट उपलब्ध गराउने सवालमा बैङ्क र हेयर एण्ड शान्ति बिच समझदारी गरिएको हो। समझदारी पत्रमा नबिल बैङ्कका तर्फबाट रिटेल ट्रान्जेक्सन विभागका प्रमुख नीरज शर्मा र हेयर एण्ड शान्तिका युनिसेक्स सलुनकी सञ्चालक विनीता बुढाथोकीले हस्ताक्षर गरेका हुन्।
नबिल बैङ्क नेपालको एक अग्रणी वाणिज्य बैङ्क हो भने हेयर एण्ड शान्ति केश सज्जा र सौन्दर्यमा सेवा दिँदै आएको निजी क्षेत्रको अग्रणी कम्पनी हो।
समझदारीअनुसार नबिल बैङ्कका ग्राहकले नबिल बैङ्कको डेबिट कार्ड, क्रेडिट कार्ड, प्रायोरिती कार्ड, एन बैङ्क वा बैङ्क ट्रान्सफर मार्फत भुक्तानी गर्दा १० प्रतिशत छुट प्राप्ति हुनेछ । यस्तो छुट हेयर कट, कलरिङ, केराटिनजस्ता केश सज्जाका सेवा तथा मेनिक्योर–पेडिक्योर, नेल आर्टलगायत अनुहार र सौन्दर्य लगायत सम्पूर्ण सेवामा उपलब्ध हुने उल्लेख गरिएको छ।
नबिल बैङ्क र हेयर एण्ड शान्ति बिच भएको समझदारीले नबिल बैङ्कका ग्राहकलाई सहुलियत मूल्यमा सौन्दर्यमा सेवा लिन सहयोग पुग्नेछ।
नबिल बैङ्क नेपालको अग्रणी वाणिज्य बैङ्क मध्ये एक हो। बैङ्कले देशभर २६७ शाखा सञ्जालसहित २२ वटा एक्सटेन्सन काउन्टर र ३१३ एटिएम मेसिनबाट सेवा प्रदान गर्दे आएको छ। नबिल बैङ्कले १८ लाखभन्दा बढी ग्राहकलाई बैङ्किङ सेवा प्रदान गर्दै आइरहेको छ।
