को बन्ला आयल निगमको कार्यकारी निर्देशक ? मन्त्रिपरिषद्ले नियुक्त गर्दै

हाम्रा कुरा

प्रकाशित २०८० फागुन ६ आइतबार

काठमाडौँ । नेपाल आयल निगम लिमिटेडको कार्यकारी निर्देशकको टुंगो आगामी मन्त्रिपरिषद्को बैठकले लगाउने भएको छ । रिक्त कार्यकारी निर्देशकका लागि गठित पदपूर्ति समितिले व्यावसायिक कार्ययोजना प्रस्तुतीकरण र अन्तर्वार्तापछि अन्तिम तीन उम्मेदवारको टुंगो लगाएको हो ।

तीनमध्ये एक जना कार्यकारी निर्देशक बन्नेछन् । गोरखाका चण्डिकाप्रसाद भट्ट, चितवनका डोलप्रसाद चापागाईं र ललितपुरका शत्रुध्नप्रसाद पुडासैनी अन्तिम तीनमा सिफारिसमा परेका छन् ।

उद्योग वाणिज्य तथा आपूर्ति मन्त्रालयका सचिव नारायणप्रसाद दुवाडी शर्माको संयोजकत्वमा गठित समितिले दरखास्त दिएका १३ उम्मेदवारको गत २ फागुनदेखि ५ गते शनिबार बिहानसम्म व्यावसायिक कार्यायोजना प्रस्तुतीकरण र अन्तर्वार्ता लिएको थियो।