-
-
-
-
सुनसरी । सशस्त्र प्रहरी बल, नेपाल नं ४ गण हेडक्वार्टर सुनसरीले १६३.८४५ ग्राम गाँजा बरामद गरेको छ । बुधबार बिहान १ः३५ बजेको समयमा सुनसरीको बराहक्षेत्र नगरपालिका १ स्थित सप्तकोशी नदीको किनारमा ५–६ जना ब्यक्तिहरुले डुङ्गाबाट निकाल्दै गरेको अवस्थामा सशस्त्र प्रहरी बल नेपाल सुरक्षा बेस चतराबाट सप्रनि बिगबहादुर गोलेको कमाण्डमा खटिएको ६ जनाको मोटरसाइकल गस्ती टोलीले गाँजा नियन्त्रणमा लिएको हो ।
प्रहरी टोलीलाई देखेपछि अभियुक्तहरु गाँजा छाडेर डुङ्गा लिई फरार भएको सशस्त्र प्रहरी बलका सहप्रवक्ता शैलेन्द्र थापाले बताए । उक्त गाँजा नियन्त्रणमा लिई थप अनुसन्धान तथा कारबाहीको लागि इलाका प्रहरी कार्यालय महेन्द्रनगर चक्रघट्टीमा बुझाइएको पनि उनले बताए ।
सशस्त्र प्रहरी बल नेपाल नं ४ गणबाट गत फागुन १ गतेदेखि हालसम्म एक एम्बुलेन्ससहित ५६४.४७५ केजी गाँजा बरामद गरेको पनि थापाले बताए ।
