विश्वकपको तयारीमा रहेको नेपालले आयरल्याण्ड एलाई रोक्यो १२१ रनमै

हाम्रा कुरा

प्रकाशित २०८० चैत १२ सोमबार

काठमाडौँ । नेपाल र आयरल्याण्ड ए बीचको टी–२० क्रिकेट श्रृंखला आजदेखि शुरु भएको छ । नेपाली राष्ट्रिय टिमले नेपाल भ्रमणमा रहेको आयरल्याण्ड ए टिमसँग आज पहिलो खेल खेलिरहेको हो ।

खेलमा नेपालले टस जितेर फिल्डिङ गर्दै आयरल्याण्डलाई १२१ रनमै रोकेको छ । आयरल्याण्डले सबै विकेट गुमाएर २० ओभरमा १२१ रन बनाएको हो । स्टेफेन डोहेन्रीले ३९ बलमा ४६ रन जोडे ।

नेपालका लागिकुशल भुर्तेल, गुल्सन झा र ललित राजवंशीले समान २–२ विकेट लिए । करण केसी र कुशल मल्लले १–१ विकेट लिए ।

जवाफमा कीर्तिपुर मैदानमा नेपाल उत्रिइसकेको छ ।

नेपाली राष्ट्रिय टिमले आयरल्याण्ड ए सँग सोमबार र मंगलबार गरी दुई टी–२० खेल खेल्दैछ ।

त्यसपछि नेपाली राष्ट्रिय क्रिकेट टिमले भारतको गुजरात र बरोडासँग भारतको गुजरातको भापीमा टी–२० फ्रेन्डशिप कप खेल्दै छ । मार्च ३१ देखि अप्रिल ७ सम्म हुने यस टी–२० कप त्रिकोणीय श्रृंखला हुने छ ।

नेपालले आगामी टी–२० क्रिकेट विश्वकपको तयारी स्वरूप यो फ्रेन्डशिप कप खेल लागेको हो ।