-
-
-
-
काठमाडौँ । वर्षाका कारण नेपाल ए र आयरल्याण्ड ए बीचको टी–२० क्रिकेट श्रृंखलाको पहिलो खेल रद्ध भएको छ । लगातारको वर्षाका कारण मैदान खेल्न योग्य नभएपछि बिहीबारको खेल रद्ध भएको नेपाल क्रिकेट संघ (क्यान) ले जानकारी दिएको हो ।
कीर्तिपुर मैदानमा हुने यो खेल दिउँसो १ बजेदेखि शुरु हुने तालिका रहेको थियो । नेपाल ए ले बिहीबार, शुक्रबार र आइतबार आयरल्याण्ड ए टिमसँग टी–२० श्रृंखला र चैत २१, २३ र २५ गते एक दिवसीय श्रृंखला खेल्ने तालिका रहेको छ ।
त्यसअघि नेपालको राष्ट्रिय टिमले आयरल्याण्ड ए सँग दुई टी–२० खेल खेलेको थियो, जसमा दुवै खेल नेपालले जितेको थियो ।
