गगनचुम्बी यात्रामा सुन, इतिहासमै आज सबैभन्दा महँगो

हाम्रा कुरा

प्रकाशित २०८० चैत २१ बुधबार

काठमाडौँ । सुनको मूल्य आकाश छुने यात्रामा तीव्र गतिले अगाडि बढेको छ । सन् २०२४ मै नेपाली बजारमा प्रतितोला दुई लाख रुपैयाँसम्म पुग्ने अनुमान गरिएको सुनको मूल्य तीव्र गतिमा बढ्दै गएको हो ।

सो क्रममा बुधबार इतिहासकै अहिलेसम्मकै महँगो भएको छ । नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला एक हजार आठ सय रुपैयाले बढेर एक लाख ३३ हजार रुपैयाँ तय भएको छ ।

मंगलबार प्रतितोला एक लाख ३१ हजार दुई सय रुपैयाँमा कारोबार भएको थियो । यस्तै तेजावी सुन तोलमा मंगलबार प्रतितोला एक लाख ३० हजार पाँच सय रुपैयाँमा कारोबार भएकामा बुधबारका लािग एक लाख ३२ हजार तीन सय ५० रुपैयाँ तोकिएको छ ।