गोरखा । गोरखामा माछापोखरीमा डुबेर आइतबार दिउसो एक जनाको मृत्यु भएको छ ।
पालुङटार नगरपालिका-६, कालमाटा घर भएका १७ बर्षीय विपिन नेपालीको डुबेर मृत्यु भएको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक रमेशकुमार श्रेष्ठले जानकारी दिए ।
पाँच जना साथीसँगै पोखरीमा पौडी खेल्ने गएकामध्ये नेपालीको मत्यु भएको हो ।
घटनाको थप अनुसन्धान अघि बढाइएको प्रहरीले जनाएको छ ।