नागरिकको चाहनाअनुसार संविधान संशोधन हुन्छः प्रकाशमान सिंह
हाम्रा कुरा
प्रकाशित २०८१ साउन ७ सोमबार
304
Shares
काठमाडौँ । उपप्रधान एवं शहरी विकासमन्त्री प्रकाशमान सिंहले आम नागरिकको चाहनाअनुसार संविधान संशोधन हुने बताएका छन् । सोमबार काठमाडौँमा आयोजित वर्तमान संविधान र समाजवादउन्मुख लोकतन्त्र विषयक विचार गोष्ठीमा बोल्दै उनले यस्तो बताएका हुन् ।
उनले संविधानको विशेषता नै संविधानमा उल्लेखित दफाहरु विधि, प्रक्रिया पूरा गरेर परिवर्तन गर्न सकिने बताए । उनले समयको माग, जनताको चाहनाअनुसार संविधान परिवर्तन हुने बताए ।
मन्त्री सिंहले संघीयताको मर्म र भवनाअनुसार कानूनहरु बनाउन नसक्दा अहिलेको परिस्थिति सिर्जना भएको बताए । उनले जनताको चाहना पूरा गर्नका लागि कांग्रेस र एमाले मिलेर सरकार बनाएको बताए ।
उनले युवाहरु रोजगारीको खोजीमा विदेशिनुपर्ने बाध्यताको अन्त्य, अर्थतन्त्र चलायमान बनाउन, विकास निर्माणका गतिविधि अघि बढाउनका लागि सरकारले काम गर्ने बताए ।
उपप्रधानमन्त्री सिंहले तीन तहकै सरकार अधिकार सम्पन्न भएर काम गरेको भए अहिलेको अवस्था नआउने दाबी गरे ।
