विमान र बसमा ज्यान गुमाएकाप्रति सरकारी विभेदको राष्ट्रिय एकता अभियानबाट खबरदारी
हाम्रा कुरा
प्रकाशित २०८१ साउन १३ आइतबार
274
Shares
काठमाडौँ । सौर्य एयरलाइन्सको विमान दुर्घटनामा मृत्यु भएकाहरूप्रति श्रद्धाञ्जली अर्पण गर्न र विमान र बस यात्रामा ज्यान गुमाएकाहरूप्रति सरकारले गरेको विभेदको विरोध गर्न राष्ट्रिय एकता अभियानले काठमाडौँमा एक विशेष कार्यक्रम आयोजना गरेको छ ।
कार्यक्रममा प्रमुख अतिथिका रूपमा अभियानका केन्द्रीय अध्यक्ष विनय यादव, वरिष्ठ नेता बीपी यादव, केन्द्रीय सदस्य चन्द्र यदुवंशी र युवा नेता दिवस पटेलले सहभागिता जनाए ।
कार्यक्रमको शुरुआतमा सौर्य एयरलाइन्सको विमान दुर्घटनामा परी मृत्यु भएका व्यक्तिहरूप्रति भावपूर्ण श्रद्धाञ्जली अर्पण गरियो। कार्यक्रममा सहभागीहरुले ती व्यक्तिहरूको आत्माको शान्तिको कामना गर्दै शोकमा सामनताको आवश्यकता र महत्वका बारेमा चर्चा गरे।
त्यसपछि विमान र बस दुर्घटनामा ज्यान गुमाएकाहरूप्रति सरकारले गरेको विभेदको विरोध गर्न एक खबरदारी कार्यक्रम आयोजना गरियो। प्रमुख अतिथि विनय यादवले आफ्नो मन्तव्यमा, सरकारको विभेदपूर्ण व्यवहारले शोकमा पनि भिन्नता ल्याउने कार्य गरेको र यसलाई तत्काल सुधार गर्नुपर्ने आवश्यकताको चर्चा गरे। वरिष्ठ नेता मो. बीपी यादवले, "शोकमा समानता सबैका लागि आवश्यक छ, यसरी विभेद गर्नु अवैध र अस्वीकार्य छ" भन्दै सरकारी दृष्टिकोणमा सुधारको माग गरे।
चन्द्र यदुवंशीले सरकारको नीति र निर्णयमा पारदर्शिता र न्यायको माग गर्दै, "सबैको जीवन समान मूल्यवान छ, विभेदको खारेज हुनु आवश्यक छ" भने ।
युवा नेता दिवस पटेलले पनि शोकको घडीमा सबैलाई समान सम्मान र न्यायको माग गर्दै, घटनाका पीडित र उनीहरूको परिवारप्रति गहिरो समवेदना व्यक्त गरे।
कार्यक्रमको समापनमा सहभागीहरूले शोकमा समानता र न्यायको महत्वपूर्णता बुझाउँदै, यस्तो विभेदको पुनरावृत्ति नगर्नका लागि सरकारलाई अनुरोध गर्दै एकता र सहकार्यको भावना पुनः पुष्टि गरे।
