नेपाल इन्भेस्टमेन्ट मेगा बैङ्कद्वारा टाटाको गाडीमा ८.८२ प्रतिशत ब्याजमा फाइनान्स सुविधा
हाम्रा कुरा
प्रकाशित २०८१ साउन १८ शुक्रबार
4k
Shares
काठमाडौँ। सिप्रदी ट्रेडिङ्ग प्रालि र नेपाल इन्भेस्टमेन्ट मेगा बैङ्कबिच विद्युतीय सवारी कर्जाका लागि सम्झौता भएको छ। सम्झौता अनुसार टाटाका विद्युतीय गाडी खरिद गर्दा ग्राहकहरूले हाल कायम बैङ्कको बेस रेटमा अतिरिक्त १ प्रतिशत गरी कुल ८.८२ प्रतिशत ब्याजदरमा फाइनान्स सुविधा प्राप्त गर्नेछन्।
अब टाटा टियागो इभी, नेक्सन इभी, टिगोर इभी र नेपालमा बहुप्रतिक्षित टाटा पञ्च इभीमा ७ वर्षसम्मका लागि यो सुविधा प्राप्त गर्न सकिनेछ। सहज र झन्झटरहित तरिकाले ३ कार्य दिन भित्रमा कारोबार रकमको ८० प्रतिशतसम्म फाइनान्सको सुविधा प्राप्त गर्न सकिने कम्पनीले जनाएको छ।
टाटाका विद्युतीय गाडीहरू नेपालमा सर्वाधिक बिक्री हुने गाडीहरूको अग्रपक्तीमा रहेका छन्। आरामदायी तथा क्लच र गियरको झन्झट नहुने हुँदा गाडी चलाउन एकदमै सजिलो हुने, पार्किङका लागि सहज, किफायती र वातावरण मैत्री भएका कारण पनि विद्युतीय गाडीको लोकप्रियता बढिरहेको छ।
टाटा आफैमा प्रतिष्ठित तथा विश्वसनीय ब्राण्ड भएको र भारतमा निर्मित यस गाडी भौगोलिक हिसाबले पनि नेपालका लागि उपयुक्त रहेको छ। दैनिक तथा व्यक्तिगत कामकाजका लागि अत्यन्तै उपयुक्त यस गाडीको माग नेपाली बजारमा दिन प्रतिदिन बढ्दै गइरहेको छ।
