ब्रजिलमा भएको विमान दुर्घटनामा सबै ६१ जनाको मृत्यु
हाम्रा कुरा
प्रकाशित २०८१ साउन २६ शनिबार
1k
Shares
काठमाडौँ । ब्रजिलमा विमान दुर्घटना हुँदा चालक दलका चार सदस्यसहित सबै ६१ जनाको मृत्यु भएको छ । ब्रजिलको साओपाउलोमा ५७ यात्रु र चालक दलका चार सदस्य बोकेको विमान दुर्घटना हुँदा सवार सबै ६१ जनाको मृत्यु भएको बीबीसीले जनाएको छ ।
वोएपास एयरलाइन्सका अनुसार दुई इन्जिन भएको टर्बोप्रप विमान दक्षिणी राज्य परानाको कास्काभेलबाट साओपाउलो सहरको मुख्य विमानस्थलका लागि उडेको थियो ।
पहिले उक्त विमानमा ६२ जना भएको बोएपासले बतएको भए पनि पछि भने ६१ जना भएको पुष्टि गरेको थियो ।
दुर्घटनामा परेको विमान दुर्घटनाको डेढ मिनेट पहिले नै उचाइ लिन छाडेको थियो । सीएनएनको रिपोर्टअनुसार उडान ट्रेकिङ डेटाबाट पत्ता लागेअनुसार स्थानीय समय दिउँसो १ः२१ बजेसम्म जहाजले १७ हजार फिटको उचाईमा उडिरहेकामा त्यसको १० सेकेन्डमै लगभग २५० फिट तल झरेको थियो । एक मिनेटमै लगभग १७ हजार फिट तल खसेको जनाइएको हो ।
