-
-
-
-
काठमाडौँ । पूर्वअमेरिकी राष्ट्रपति डोनाल्ड ट्रम्प र वर्तमान उपराष्ट्रपति कमलादेवी ह्यारिसबीच सेप्टेम्बर १० मा बहस हुने भएको छ । उनीहरू सेप्टेम्बर १० मा बहस गर्न सहमत भएका हुन् ।
रिपब्लिकन राष्ट्रपति पदका उम्मेदवार ट्रम्प र उनका डेमोक्रेटिक समकक्ष ह्यारिस दुवैले बहसमा आफ्नो सहभागिता पुष्टि गरेका छन् । ९० मिनेटको बहस फिलाडेल्फियामा हुने अपेक्षा गरिएको छ ।
एबीसी एन्कर डेभिड मुइर र लिन्से डेभिसले मध्यस्थकर्ताको रूपमा रहनेछन्। बहस सम्भवतः प्रत्यक्ष दर्शकहरू बिना आयोजित हुनेछ । तर सही ढाँचा र आधारभूत नियमहरू अझै पनि निर्धारण भइरहेका छन् ।
यो घोषणा फ्लोरिडाको पाम बीचमा ट्रम्पको समाचार सम्मेलनपछि भएको हो । जसमा उनले ह्यारिससँग तीन बहसको प्रस्ताव राखे । ट्रम्पले यसअघि सेप्टेम्बर १० मा राष्ट्रपति जो बाइडेनसँग बहस गर्न सहमत भएका थिए ।
तर बाइडेनले डेमोक्र्याटिक टिकटबाट फिर्ता लिएपछि ह्यारिससँग बहस गर्न ट्रम्प सहमत भएका हुन् ।
