एनएमबि बैङ्कद्वारा पलेशा गोवर्द्धन र प्रशिक्षक कविराज नेगी लामालाई नगद सम्मान प्रदान

हाम्रा कुरा

प्रकाशित २०८१ असोज ८ मंगलबार

काठमाडौँ। एनएमबि बैङ्कले एसियाली प्याराओलम्पिक खेलकुदमा नेपाललाई पहिलो कास्ग पदक दिलाउन सफल प्यारातेक्वान्दो खेलाडी पलेशा गोवर्द्धनलाई सम्मान गरेको थियो। उनको अभूतपूर्व उपलब्धिको सम्मानमा, बैङ्कले गोवर्द्धनलाई नगद पुरस्कार रु. ५ लाख १ हजार र उनका प्रशिक्षक कविराज नेगी लामालाई रु. १ लाख १ हजार रुपैयाँ प्रदान गरेको थियो। पलेशा गोवर्द्धनको प्रतिनिधित्व गरी उनको अभिभावकले उक्त नगद ग्रहण गरेका थिए।

पलेशाको उपलब्धि र नेपालमा खेलकुदको भावनाको सम्मान गर्दै एनएमबि बैङ्कको विशेष समारोहमा गोवर्द्धन र उनका प्रशिक्षकलाई सम्मान स्वरूप नगद हस्तान्तरण गरिएको थियो।

एनएमबि बैङ्कले हाल देशभर २०१ शाखाहरू, १८७ एटिएमहरू र ११ एक्सटेन्सन काउन्टरहरू मार्फत उच्चस्तरीय सेवा प्रदान गर्दै आइरहेको छ।