-
-
-
-
काठमाडौँ । नेपाल र अमेरिकाबीचको टी–२० क्रिकेट शृङ्खलाको दोस्रो खेलमा नेपालले अमेरिकालाई १७१ रनको चुनौती दिएको छ ।
अमेरिकाको टेक्सासस्थित ग्राण्ड प्रेरी स्टेडियममा टस जितेर पहिले ब्याटिङ गरेको नेपालले ६ विकेटको क्षतिमा १७० रन बनायो । नेपालका लागि कुशल भुर्तेलले ५४ बलमा अविजित रहँदै ९२ रन जोडे ।
नेपाल एक खेल अघि नै श्रृंखला जित्ने लक्ष्यका साथ मैदानमा उत्रिएको छ । तीन खेलको टी-२० श्रृंखलामा नेपालले पहिलो खेलमा शुक्रबार अमेरिकालाई १७ रनले पराजित गरेको थियो ।
यसअघि पहिलो खेलमा नेपालले निर्धारित २० ओभरको खेलमा नौ विकेट गुमाएर एक सय ६४ रन बनाएको थियो ।
नेपालले दिएको एक सय ६५ रनको लक्ष्य पछ्याएको अमेरिकाले निर्धारित २० ओभरमा सात विकेट गुमाउँदै एक सय ४७ रन मात्रै बनाउन सक्यो ।
