-
-
-
-
काठमाडौँ । इजरेली सेनाले लेबनानमा हिजबुल्लाहसँगको आक्रमण बढाएको छ । स्थानीय टिभी च्यानल अल-जादेदका अनुसार शुक्रबार राति इजरेली लडाकु विमानहरूले बेरुतको दक्षिणी उपनगरका विभिन्न क्षेत्रमा आठ वटा हवाई आक्रमण गरेका थिए ।
बिहीबार राति इजरेली सेनाले दक्षिणी बेरुतको दहेहका विभिन्न क्षेत्रमा तीन वटा हवाई आक्रमण गरेको थियो । बुधवार राति इजरेली हवाई आक्रमणले बेरुतको जना जिल्लाको एउटा अपार्टमेन्टलाई लक्षित गरी आक्रमण गरेको थियो ।
साथै दक्षिणी लेबनानमा इजरेली हवाई हमलामा तीन पत्रकारको ज्यान गएको छ । हसबायाको एउटा होटलमा आक्रमण हुँदा तीन जना पत्रकार मारिएका हुन् । जहाँ सात वटा विभिन्न मिडिया आउटलेटका १८ जना पत्रकारहरू बसिरहेका थिए ।
मारिनेहरू मध्ये दुई जना अल-मायादीन टिभीका थिए भने तेस्रो हिज्बुल्लाहद्वारा सञ्चालित अल-मनार टिभीका क्यामेरा म्यान थिए ।
