-
-
-
-
काठमाडौँ । आज सुनको मूल्य नयाँ कीर्तिमान कायम भएको छ । नेपाल सुनचाँदी व्यवसायी महासंघका अनुसार मंगलबार सुन तोलामा १५ सयले बढेर तोलाको एक लाख ६८ हजार ५ सयमा कारोबार भएको छ । यो सुनको अहिलेसम्मको उच्च मूल्य हो ।
यसअघि सोमबार सुन तोलाको एक लाख ६७ हजारमा कारोबार भएको थियो । त्यस्तै आज चाँदीको मूल्य पनि बढेको छ । आज चाँदी प्रतितोला ४० रुपैयाँले बढेर २१०५ रुपैयाँमा कारोबार भइरहेको महासंघले जनाएको छ ।
हिन्दूहरुको दोस्रो महान् चाड तिहार आजदेखि शुरु भएको र पहिलो दिन नै धनतरेस परेकाले सोही दिनमा सुन चाँदीजस्ता धातु किन्ने चलन भएकाले सुनको भाउ पनि ह्वात्तै बढेको छ ।
