-
-
-
-
काठमाडौँ । साउदी क्लब अल नासर किङ कप फुटबलबाट बाहिरिएको छ । गएराति सम्पन्न खेलमा अल नासर अल टावोउनसँग राउण्ड १६ को खेलमा १–० गोल अन्तरले पराजित भएपछि प्रतियोगिताबाट बाहिरिएको हो ।
अल टाओउनको जितमा खेलको ७१औँ मिनेटमा वालीद अल अहमदले गरेको गोल नै खेलको निर्णायक गोल बनेको थियो ।
यस खेलमा अल नासरका क्रिष्टियानो रोनाल्डोले खेलको ९० मिनेटपछिको इन्जुरी समयमा पाएको पेनाल्टी गोल गर्न चुकेपछि अल नासरले खेल बराबरी गर्ने अवसर गुमाएको थियो ।
योसँगै अल नासर किङ कपबाट बाहिरिएको छ । त्यस्तै अल टावोउन भने किङ कपको क्वाटरफाइनलमा पुगेको छ ।
