-
-
-
-
काठमाडौँ । नेपालले आज हङकङ सिक्सेसको प्लेट सेमिफाइनल खेल्ने भएको छ । क्वार्टरफाइनलमा श्रीलंकासँग पराजित भएको नेपालले आज प्लेट सेमिफाइनलमा यूएईको सामना गर्ने भएको हो ।
यूएई क्वार्टरफाइनलमा बंगलादेशसँग पराजित भएको थियो । यो खेल नेपाली समय अनुसार बिहान १०ः२० बजेदेखि शुरु हुँदैछ ।
त्यस्तै अर्को प्लेट सेमिफाइनलमा आयोजक हङकङ र दक्षिण अफ्रिका खेल्ने भएका छन् । यो खेल बिहान ९ः२० बजेदेखि शुरु भएको छ ।
प्लेट फाइनल आजै दिउँसो ३ः२५ बजेदेखि हुने छ ।
त्यस्तै प्रतियोगिताको सेमिफाइनलमा भने आज अस्ट्रेलिया र पाकिस्तान तथा श्रीलंका र बंगलादेश खेल्ने भएका छन् । त्यस्तै फाइनल खेल पनि आजै हुने छ ।
नेपालले समूह चरणमा अस्ट्रेलिया र इङ्गल्याण्डलाई हराएको थियो ।
