नेपाललाई क्वार्टरफाइनलमा हराएको श्रीलंकाले जित्यो हङकङ सिक्सेसको उपाधि

हाम्रा कुरा

प्रकाशित २०८१ कार्तिक १८ आइतबार

काठमाडौँ । श्रीलंकाले हङकङ सिक्सेस क्रिकेट प्रतियोगिताको उपाधि जितेको छ । हङकङमा सम्पन्न फाइनल खेलमा आइतबार पाकिस्तानलाई ३ विकेटले पराजित गर्दै श्रीलंकाले हङकङ सिक्सेसको उपाधि जितेको हो ।

पाकिस्तानले दिएको ७३ रनको लक्ष्य पछ्याएको श्रीलंकाले ५ ओभरमा ३ विकेट गुमाउँदै पूरा गरेको थियो । श्रीलंकाले यो उपाधि जितेको यो दोस्रो पटक हो । यसअघि श्रीलंकाले सन् २००७ मा यो उपाधि जितेको थियो ।

यस वर्ष नेपालले पनि पहिलो पटक यस प्रतियोगितामा भाग लिएको थियो । नेपाल क्वार्टरफाइनलमा श्रीलंकासँग पराजित भएको थियो । त्यसअघि समूह चरणको खेलमा नेपालले इङ्गल्याण्ड र अस्ट्रेलियालाई पराजित गरेको थियो ।