-
-
-
-
काठमाडौं । आज सुनचाँदीको मूल्य बढेको छ । नेपाल सुनचाँदी व्यवसायी महासंघका अनुसार शुक्रबार सुन तोलामा २ हजारले बढेर तोलाको एक लाख ६६ हजार ५ सयमा कारोबार भएको छ ।
यसअघि बिहीबार सुन तोलाको एक लाख ६४ हजार ५ सयमा कारोबार भएको थियो । त्यस्तै आज चाँदीको मूल्य पनि बढेको छ । आज चाँदी प्रतितोला २० रुपैयाँले बढेर तोलाको १९८० रुपैयाँमा कारोबार भइरहेको महासंघले जनाएको छ ।
अमेरिकी नयाँ राष्ट्रपतिमा फेरि डोनाल्ड ट्रम्प निर्वाचित भएको अर्को दिन सुनको भाउ तोलामा चार हजार रुपैयाँले घटेको थियो । निरन्तर घट्दै जाने अनुमान विपरीत दोस्रो दिन भने दुई हजार रुपैयाँले बढेको हो ।
केही अर्थविद्हरुले अब सुनको भाउ घट्दै जानेसमेत बताएका थिए ।
