जूनको प्रकाशमा मकै सुकाउने पर्व

हाम्रा कुरा

प्रकाशित २०८१ मंसिर १ शनिबार

गोरखा । गोरखा सदरमुकामस्थित ऐतिहासिक ठूलो आँगन परिसरमा शुक्रबार साँझ जूनको प्रकाशमा मकै सुकाएर मकै सुकाउने पर्व मनाइएको छ ।

यो पर्व विशेषगरी गोरखाका नेवार समुदायलगायतले मनाउँदै आएका छन् । ठूलोआँगनमा जूनको उज्यालोमा मकै सुकाउन सबै भेला हुन्छन् । अनि खुशीका साथ यो पर्व मनाउने चलन छ ।

एकादशीदेखि पाँच दिनसम्म व्रत वसेर पूर्णिमाको दिन चन्द्रमा उदाएपछि अन्न देखाउने प्रचलन रहेको हो । कात्तिक शुल्क पूर्णिमाको रात अमृत वर्षा हुने जनविश्वासका साथ सकिमना पुन्हिः पर्व मनाउने गरिन्छ ।