चीनमा अफिसमा रोमान्स गर्नेलाई १२ सय पुरस्कार, जोडी मिलाए १० हजार बढी

हाम्रा कुरा

प्रकाशित २०८१ मंसिर १० सोमबार

बेइजिङ । एक चिनियाँ क्यामेरा कम्पनीले आफ्ना कर्मचारीहरूलाई डेट गर्न प्रोत्साहित गरेको छ र त्यसो गरेमा उनीहरूलाई नगद पुरस्कार दिने बताएको छ। यो विषय सामाजिक सञ्जालमा भाइरल भएको छ ।

शेन्जेन राज्यमा रहेको इन्स्टा ३६० नामक क्यामेरा कम्पनीले आफ्ना कर्मचारीहरूलाई अनलाइन डेटिङ प्लेटफर्ममा गरिएको प्रत्येक वैध पोस्टको लागि ७७ येन अर्थात लगभग १२०० रुपैयाँ पुरस्कार दिने बताएको छ।

यदि कुनै कर्मचारीले डेटिङ प्लेटफर्ममार्फत सफलतापूर्वक कसैसँग मेल भएमा र कम्तीमा तीन महिनासम्म सम्बन्ध कायम राख्यो भने कम्पनीले जोडी र म्याचमेकर दुवैलाई १ हजार येन प्रदान गर्ने बताएको छ।

साउथ चाइना मर्निङ पोस्टका अनुसार सो कम्पनीका प्रवक्ताले कम्पनीले यस कदमको माध्यमबाट कर्मचारीहरूको आफ्नोपन र खुशीको भावनालाई बढावा दिने लक्ष्य राखेको छ।

सो कम्पनीले अभियान शुरु गरेदेखि लगभग ५०० पोष्टहरू साझेदारी गरिएको छ र कर्मचारीहरूलाई उनीहरूको मिलानको लागि लगभग १० हजार येन दिइसकिएको छ ।

सामाजिक सञ्जाल प्रयोगकर्ताहरूले सो कम्पनीको नीति थाहा पाएपछि आफूहरूलाई पनि आफ्नो कम्पनीले सो सुविधा दिनु पर्ने जनाइरहेका छन् ।