-
-
-
-
काठमाडौँ । विश्व नयाँ वर्षको उत्सवमा डुबिरहँदा जिम्बाब्वेले नयाँ वर्षमा ठूलो निर्णय गरेको छ । अब देशमा मृत्युदण्ड दिइने छैन। जिम्बाब्वेका राष्ट्रपतिले यस सम्बन्धी कानूनी आदेशमा हस्ताक्षर गरेका छन् ।
मृत्युदण्डलाई लिएर विश्वमा धेरै प्रश्न उठिरहेको बेला जिम्बाब्वले यो नयाँ निर्णय लिएको हो । जसअनुसार जिम्बाब्वेले मृत्युदण्डको सजाय आधिकारिक रुपमा खारेज गरेको छ ।
राष्ट्रपति इमर्सन मनंगाग्वाले नयाँ कानून लागू गरेसँगै मृत्युदण्डको सजायको प्रतिक्षामा रहेका ६० जना कैदीको सजाय अब आजीवन कारावासमा परिणत भएको छ ।
