सिटिटेकको गेटपे प्लेटफर्ममा माछापुच्छ्रे बैङ्क र एनसीएचएलको सफल सहकार्य
हाम्रा कुरा
प्रकाशित २०८१ चैत १४ बिहिबार
534
Shares
काठमाडौँ। नेपालको डिजिटल भुक्तानी प्रणालीमा नयाँ क्रान्ति ल्याउने उद्देश्यका साथ सिटिटेक ग्रुप प्रालिले गेटपे प्लेटफर्मलाई नेपाल क्लियरिङ हाउस लिमिटेड (एनसीएचएल) को सहकार्यमा माछापुच्छ्रे बैङ्क लिमिटेडमा सफलतापूर्वक लागू गरेको छ।
यस उपलब्धिसँगै माछापुच्छ्रे बैङ्कले आफ्नो भुक्तानी प्रणालीलाई एकीकृत डिजिटल प्रविधि मार्फत थप सहज, भरपर्दो र कार्यकुशल बनाएको छ। गेटपे प्रणालीले बैङ्क तथा वित्तीय संस्थाहरूलाई भुक्तानी संरचना व्यवस्थित गर्ने, व्यवसायी व्यवस्थापनमा सुधार गर्ने तथा नयाँ भुक्तानी माध्यमलाई छोटो समयमा एकीकृत गर्ने सुविधा प्रदान गर्नेछ।
गेटपेले डिजिटल कारोबारलाई सहज बनाउने
गेटपे प्लेटफर्मले व्यवसायी तथा बैङ्कहरूलाई एकीकृत प्रणालीमा विभिन्न भुक्तानी माध्यम समायोजन गर्ने तथा एकै स्थानबाट सम्पूर्ण कारोबार अनुगमन गर्ने सुविधा प्रदान गर्नेछ।
वास्तविक समयमै कारोबार पूरा गर्ने क्षमता
एकै पटकमा धेरै भुक्तानी माध्यममा पहुँच
व्यवसायी तथा ग्राहकका लागि छिटो, सहज र सुरक्षित भुक्तानी अनुभव
डिजिटल बैङ्किङ सेवालाई अझ प्रभावकारी बनाउने प्रविधि संरचना
माछापुच्छ्रे बैङ्कका अनुसार गेटपेको प्रयोगले बैङ्कका सम्पूर्ण भुक्तानी प्रणालीलाई सहज बनाउनुका साथै ग्राहकलाई छिटो र प्रभावकारी सेवा प्रदान गर्न मद्दत गर्नेछ।
एनसीएचएलका प्रतिनिधिले गेटपेले नेपाललाई अन्तर्राष्ट्रिय फिनटेक बजारमा स्थापित गर्ने बलियो पूर्वाधार तयार गर्ने विश्वास व्यक्त गरेका छन्।
सिटिटेकका प्रमुख कार्यकारी अधिकृत साजन शर्माका अनुसार, "नेपाली बैङ्क तथा वित्तीय संस्थाहरूलाई एकीकृत भुक्तानी प्रणालीको सशक्त समाधान प्रदान गर्ने दिशामा यो ऐतिहासिक कदम हो। आगामी दिनमा पनि डिजिटल भुक्तानी व्यवस्थापनलाई अझ सशक्त बनाउन योगदान गर्नेछौँ।"
नेपालको वित्तीय क्षेत्रमा गेटपे एक कोसे ढुङ्गा साबित हुने विश्वासका साथ सिटिटेक, माछापुच्छ्रे बैङ्क र एनसीएचएलले सहकार्यलाई अझ मजबुत बनाउने प्रतिबद्धता व्यक्त गरेका छन्।
