वासिङटन । अमेरिकी उपराष्ट्रपति जोय बिडेनलाई राष्ट्रपति स्वतन्त्रता सम्मानबाट विभूषित गरिएको छ । अमेरिकी राष्ट्रपति बाराक ओबामाले बिडेनलाई उक्त सम्मानबाट विभूषित गरेका हुन् । आश्चर्यजनक एवं अप्रत्याशित सो सम्मानले उपराष्ट्रपति बिडेन निकै भावुक बन्ने क्रममा रोएका थिए ।
नागरिकलाई प्रदान गरिने यो सबैभन्दा उच्च अमेरिकी सम्मान हो । सो अप्रत्याशित सम्मानपछि बिडेनले आफू धन्य भएको प्रतिक्रिया दिंदै अबको जीवन केही समय डेमोक्रेटिक पार्टीमै समर्पण गर्ने बताए ।
यही जनवरी २० बाट ओबामा र बिडेन ह्वाइटहाउसबाट बाहिरिंदै गर्दा सम्मान कार्यक्रम गरिएको हो ।
जनवरी २० मा नवनिर्वाचित राष्ट्रपति डोनाल्ड ट्रम्पले ह्वाइटहाउसमाथि कब्जा जमाउने छन् ।
