भीम रावलको आरोप- विदेशी सेना नेपाल आउने बाटो सरकारले खोल्यो [भिडियो]
सरकारले ल्याएको नागरिकता विधेयकमाथि पनि आपत्ति
हाम्रा कुरा
प्रकाशित २०८२ साउन १७ शनिबार
747
Shares
काठमाडौँ । पूर्वउपप्रधानमन्त्री डा. भीम रावलले नेपाल सरकारले विदेशी सेनालाई देशमा भित्र्याउने बाटो खोलिरहेको आरोप लगाएका छन्। शनिवार काठमाडौंमा आयोजित एक कार्यक्रममा बोल्दै उनले नेपाली नदीनालाबाट विद्युत उत्पादन गर्न विदेशी कम्पनीलाई दिने र त्यसको सुरक्षा उनीहरूले नै गर्न पाउने कानुनले यस्तो अवस्था सिर्जना गरेको बताए।
रावलले सरकारले ल्याएको नागरिकता विधेयकमाथि पनि आपत्ति जनाए। उनले विधेयकमा नागरिकता लिनका लागि बुवाको नाम र ठेगाना नचाहिने व्यवस्था गरिएको भन्दै यसले वंशजको नागरिकताको सिद्धान्त माथि नै प्रश्न उठाएको बताए। "दिनेबेला वंशजको नागरिकता भन्ने, बाबुको नाम र ठेगाना मेटिदिएपछि कसरी वंशजको नागरिकता रह्यो त?" उनले प्रश्न गरे।
पूर्वउपप्रधानमन्त्री रावलले प्रधानमन्त्री केपी शर्मा ओलीलाई लक्षित गर्दै, "भएका छोराछोरी खाडी पठाउने अनि छोराछोरी जन्माओ भन्ने?" भन्दै प्रश्न पनि गरे।
