गुल्मी ।गुल्मीमा रहेको जिल्ला मालपोत कार्यालय र नापी कार्यालयको तुराङ्ग मजुवाबाट पनि जग्गा सम्वन्धि कामकाज सेवा सुचारु गरिएको छ । मंगलबार पहिलो दिन अन्तर्गत आपचौर गाविस वडा नं.४ का पहिलो सेवाग्राही नन्दराम सापकोटालाई खादा ओडाएर र जग्गा रजिष्ट्रेशनको पुर्जा र लिखत हस्तान्त्रण गरि कार्यालयले आफ्नो सेवा सुचारु गरेको थियो ।
साथै तुराङ्ग मजुवाबाट पनि जिल्ला सदरमुकाममा रहेको मालपोत र नापी कार्यालयबाट प्रदान गरिने सेवा तथा सुविधा अव सबै तुराङ्ग मजुवाको मालपोत र नापी कार्यालयबाट सेवा प्रदान गरिने मालपोत कार्यालय प्रमुख रामप्रसाद भुषालले जानकारी दिए । हाल क्षेत्र नं. १ का अधिकाशं गाविस र क्षेत्र २ का केही गाविस गरि जम्मा २८ गाविसलाई कार्यक्षेत्र बनाएर कार्यालयले सेवा प्रदान गर्ने कार्यालय प्रमुख भुषालले जानकारी दिए ।
पहिलो दिन अन्तर्गत वामी,आपचौर र तुराङ्ग गाविसबाट गरि ४ जना सेवाग्राहीहरुले मालपोत र नापी सम्वन्धि कामकाजको सेवा लिएको समेत प्रमुख रामप्रसाद भुषालले जानकारी दिए ।
यस आफ्नो घर नजिकैबाट मालपोत र नापी सम्वन्धि कामकाज सहज रुपमा हुने भएपछि स्थानीयबासीहरुलाई प्रत्यक्ष रुपमा सुविधा र फाइदा हुदा निकै हर्षित भएको छन् ।
