मिथिलामा अखण्ड भण्डारा गराएर दिव्य धर्म यज्ञ दिवस मनाइँदै
हाम्रा कुरा
प्रकाशित २०८२ कार्तिक १८ मंगलबार
608
Shares
काठमाडौँ। सन्त रामपालजी महाराजको पावन सान्निध्यामा सतलोक आश्रममा ५१२औँ ‘दिव्य धर्म यज्ञ दिवस-२०८२’ शुरू भएको छ ।
मिथिला नगरपालिका वडा नं २ बेलाचापीस्थित भारतका १२ ओटा सतलोक आश्रममा पनि यो ऐतिहासिक उत्सवको जोडतोडले चलिरहेको छ ।
करिब ५१२ वर्षअघि कबीर साहेबले काशीमा १८ लाख साधु सन्तलाई तीन दिनसम्म मोहन भण्डारा गराएर ‘सत्य धर्म’ को सन्देश दिएका थिए ।
यसै दिव्य लीलाको स्मृतिमा यो दिवस मनाइने गरिन्छ ।
कार्यक्रममा तीन दिवसीय अखण्ड भण्डारा गराइने छ, जसमा शुद्ध घीउमा बनेको लड्डु, जेरी, हलुवा, पूरी, तरकारी, सब्जी, अचार, आदि वितरण गरिनेछ ।
सन्त गरीबदासजी महाराजद्वारा लिखित ‘अमर ग्रन्थ साहिब’ को तीन दिवसीय अखण्ड पाठ गरिनेछ । शुद्ध घीउमा अखण्ड ज्योती पनि प्रज्वलित गरिन्छ, जसलाई हवन यज्ञ भनिन्छ ।
विभिन्न सन्त तथा महापुरुषको जीवनमा आधारित आध्यात्मिक प्रदर्शनी पनि लगाइनेछ । दाइजो तथा आडम्बर रहीत विवाह समारोहले वैवाहिक कार्यक्रम पनि राखिएको छ ।
मानव सेवा नै सच्चा धर्मको भावनासहित रक्तदान शिविर सञ्चालन हुनेछ । निःशुल्क नाम दीक्षामा सन्त रामपाल जी महाराजको साक्षात्कारमा साँचो मोक्षमार्गमा प्रवेश गराइने छ ।
उत्सवले आध्यात्मिक चेतना जगाउने, यथार्थ शास्त्रअनुसार भक्ति ज्ञान प्रचार गर्ने र सबै जात, धर्म तथा देशका मानिसबीच प्रेम, भाइचारा तथा शान्तिको सन्देश फैलाउने उद्देश्य रहेको आयोजक पूर्ण ब्रह्म कवीर उपासक समाज नेपालले जनाएको छ ।
पूर्ण ब्रह्म कबीर उपासक समाज, नेपालले सबै श्रद्धालु, भक्त र समाजसेवीलाई यो दुर्लभ आध्यात्मिक अवसरमा सहभागी भई सत्यज्ञानको ज्योति ग्रहण गर्न र मानवताको सेवा मार्गमा अग्रसर हुन निमन्त्रणा गरेको छ।
