पुटिनको निवासमा भएको आक्रमण प्रयासको ड्रोन भग्नावशेष सार्वजनिक
हाम्रा कुरा
प्रकाशित २०८२ पुष १७ बिहिबार
1.6k
Shares
काठमाडौँ । रुसको रक्षा मन्त्रालयले बुधबार राष्ट्रपति भ्लादिमिर पुटिनको आधिकारिक निवासमा भएको आक्रमण प्रयासमा प्रयोग गरिएका मानवरहित हवाई सवारी साधनको भग्नावशेष र उडान नक्सा सार्वजनिक गरेको छ ।
मन्त्रालयले पत्रकार सम्मेलनमा अवरोध गरिएका ड्रोनहरूको फुटेज प्रस्तुत गर्यो ।
जसमा ड्रोनका कालो टुक्राहरू, काठका संरचनात्मक भागहरू र रातो विद्युतीय तारहरू हिउँमा छरिएका देखिएका छन् ।
मन्त्रालयले ड्रोनको मार्गहरू पछ्याउने विस्तृत उडान नक्सा पनि प्रकाशित गरेको छ । नक्कासाअनुसार यी ड्रोनहरू युक्रेनको सुमी र चेर्निभ क्षेत्रबाट प्रक्षेपण गरिएका थिए ।
केही ड्रोनहरू रुसको ब्रायन्स्क, स्मोलेन्स्क र टेभर क्षेत्रहरूमा उडेका थिए भने अन्ततः तिनीहरूलाई नष्ट गरिएको थियो ।
नक्साले ड्रोनको एक हिस्सा सिधा पूर्वतिर गएको थियो भने अरूले लामो मार्ग लिएका देखाएको छ ।
आक्रमणको प्रयास आइतबार र सोमबारको बीचको रातमा भएको थियो । जसमा कुनै हताहत वा रुसी क्षेत्रमा क्षति भएको छैन ।
