सभापति थापाले सानेपामै बैठक डाकेसँगै मुख्यसचिव पौडेलले दिए राजीनामा
हाम्रा कुरा
प्रकाशित २०८२ माघ ८ बिहिबार
3.2k
Shares
काठमाडौँ । नेपाली कांग्रेस केन्द्रीय कार्यालयका मुख्यसचिव कृष्णप्रसाद पौडेलले आफ्नो पदबाट राजीनामा दिएका छन् । राष्ट्रिय सभा सदस्यसमेत रहेका उनले बिहीबार पदबाट राजीनामा दिएको पार्टी कार्यालयले जनाएको छ ।
कांग्रेसको दोस्रो विशेष महाधिवेशनबाट नयाँ कार्यसमिति चयन भएपछि पौडेलले मुख्यसचिव पदबाट राजीनामा दिएका हुन् । तत्कालीन महामन्त्री गगनकुमार थापाको सभापतित्वमा गत पुस ३० गते नयाँ कार्यसमिति सर्वसम्मत रुपमा चयन भएको थियो ।
उक्त कार्यसमितिको बैठक पहिलो पटक शुक्रबार केन्द्रीय कार्यालय सानेपामा बस्ने तय भएको छ । सोसँगै उनले राजीनामा दिएका हुन् ।
उनको हस्ताक्षरमा पार्टी कार्यालयले त्यसबेला विज्ञप्ति जारी गर्दै विशेष महाधिवेशनलाई अवैधानिक र विधान विपरीत भन्दै प्रेस विज्ञप्ति जारी हुँदै आएको थियो ।
साथै मर्यादा नाघेरै विशेष महाधिवेशन सहभागी नहुन भन्दै धमाधम पार्टीको आधिकारिक इमेलबाट सन्देशहरू पठाउँदै आएका थिए ।
राष्ट्रिय सभा सदस्य भए पनि उनी विभिन्न लोभका कारण कार्यालयको मुख्य सचिवको भूमिका पनि निभाइरहेको भन्दै आलोचना हुँदै आएको थियो ।
