-
-
-
-
काठमाडौँ । नेपाली बजारमा साताको पहिलो दिन आइतबार सुनचाँदीको भाउ बढेको छ ।
गत शुक्रबारको तुलनामा आइतबार सुनको भाउ तोलामा चार हजार सात सय र चाँदीको एक सय ४५ रुपैयाँ बढेको हो ।
मूल्य बढेसँगै आइतबार छापावाल सुनको भाउ प्रतितोला दुई लाख ८३ हजार आठ सय रुपैयाँ कायम भएको नेपाल सुनचाँदी रत्न तथा आभूषण महासंघले जनाएको छ।
यसअघि गत शुक्रबार सुनको भाउ प्रतितोला दुई लाख ७९ हजार एक सय रुपैयाँ रहेको थियो ।
यता, गत शुक्रबार प्रतितोला चार हजार एक सय ८० रुपैयाँमा कारोबार भएको असली चाँदीको भाउ आइतबार बढेर चार हजार तीन सय २५ कायम भएको छ ।
सुनचाँदीको मूल्य हालसम्मकै उच्च गत माघ १५ गते भएको थियो ।
उक्त दिनमा सुन प्रतितोला तीन लाख ३९ हजार तीन सय र चाँदी सात हजार पाँच सय पाँच रुपैयाँमा कारोबार भएको थियो।
अन्तर्राष्ट्रिय बजारमा आएको उतारचढावका कारण स्थानीय बजारमा पनि सुनको मूल्य प्रभावित भएको बजार विश्लेषकहरूको दाबी छ ।
अन्तर्राष्ट्रिय बजारमा हुने उतारचढावका आधारमा नेपालमा महासंघले दैनिक रूपमा सुन तथा चाँदीको कारोबार मूल्य तोक्दै आएको छ।
