प्रविधिजन्य लैङ्गिक हिंसा रोक्ने सङ्कल्प प्रस्ताव राष्ट्रिय सभाबाट सर्वसम्मतिले पारित
हाम्रा कुरा
प्रकाशित २०८३ असार १७ बुधबार
182
Shares
काठमाडौँ । प्रविधिको प्रयोग गरी हुने लैङ्गिक हिंसा रोकथाम, नियन्त्रण, महिलाको हकको संरक्षण र न्यायमा पहुँच सुनिश्चित गर्ने सम्बन्धी विशेष सङ्कल्प प्रस्ताव राष्ट्रिय सभाबाट पारित भएको छ।
बुधबार बसेको राष्ट्रिय सभा बैठकमा अध्यक्ष नारायणप्रसाद दाहालले आवश्यक नीतिगत, कानुनी तथा संस्थागत व्यवस्था गरी प्रभावकारी कार्यान्वयनको माग गरिएको उक्त प्रस्ताव सर्वसम्मतिले पारित भएको घोषणा गरे। प्रस्ताव पारित भएसँगै अध्यक्ष दाहालले यसको अक्षरसः कार्यान्वयन गर्नका लागि सरकारलाई आवश्यक निर्देशन समेत दिए।
यसअघि उक्त महत्वपूर्ण सङ्कल्प प्रस्तावलाई राष्ट्रिय सभा सदस्य रेनु चन्दले सभामा पेश गरेकी थिइन्, जसमा प्रविधिको दुरुपयोगबाट महिला र बालबालिकामाथि हुने साइबर अपराध रोक्न कडा कानुन र संयन्त्रको माग गरिएको थियो।
यो प्रस्ताव पारित भएसँगै बुधवारको कार्यसूची सकिएपछि राष्ट्रिय सभाको अर्को बैठक असार १८ गते बिहीबार दिउँसो १ बजेर १५ मिनेटमा बस्ने गरी बोलाइएको छ।
