रोल्पा पहिरो अपडेट: बेपत्ता भएका दुई जनाको शव फेला, एक घाइते
हाम्रा कुरा
प्रकाशित २०८३ साउन १० आइतबार
103
Shares
काठमाठौँ । रोल्पाको सुनछहरी गाउँपालिका–१ सेरमस्थित दवाङ लेकमार्गमा पहिरोमा पुरिएर बेपत्ता भएका दुई जनाको शव आज फेला परेको छ।
जिल्ला प्रहरी कार्यालय रोल्पाका अनुसार शनिबार दिउँसो गाईबाख्रा चराउन गएका बेला पहिरोमा परी बेपत्ता भएका सुनछहरी गाउँपालिका–१ का ५१ वर्षीया असौजी घर्तीमगर र ३६ वर्षीया अमरा घर्तीमगरको शव आज फेला परेको हो।
उनीहरूको शव परीक्षणका लागि रोल्पा अस्पताल लगिएको छ।
सोही पहिरोमा परी घाइते भएका ६० वर्षीय कुले घर्तीमगरको शरीरका विभिन्न भागमा चोट लागेको छ र उनको स्थानीय सेरम स्वास्थ्यचौकीमा उपचार भइरहेको प्रहरीले जनाएको छ।
