काठमाडौं । नेपाली राजनीतिमा हुन बाँकी केही छैन । हरेक दिन नेपाली राजनीतिमा परीक्षणमात्र भइरहेको छ । यो परीक्षणले मुलुक नै परीक्षणमा गएको छ ।
कहिले यसले निकास पाउला भन्ने कुर्दा पनि नजाने कतिले आफ्नो प्राण त्यागे । नेपाली काँग्रेसको परीक्षणले हरेक परिवर्तनको नेतृत्व गर्छ । तर त्यसको सही सदूपयोग गर्न नसक्दा नेतृत्व गरेको केही वर्षमै फेरि त्यो परिवर्तन ‘एक्सपायरी डेट’ मा परिवर्तन हुन्छ ।
२००६ सालदेखि नेपाली राजनीतिमा स्थायित्वमा आएको कम्युनिष्ट पार्टीले अहिलेसम्म आफूलाई केही दर्जन पटक टुक्रा टुक्रा पार्यो ।
कहिले मिलन र कहिले विछोडको राजनीतिमा होमिएको कम्युनिष्टले काँग्रेस अधोगतिमा जाने बेलामा जहिले पनि अवसर लियो ।
तर कहिल्यै बहुमतसहित सरकारमा गएन ।
दिनगन्तीका हिसाबले नेपालमा गणतन्त्र स्थापना भएपछि कम्युनिष्ट राज बढ्यो । विकासको दर घट्यो ।
अहिले एउटा अवसर रहेको छ कम्युनिष्टहरुलाई एक भएर बहुमतको सरकार बनाउने ।
नेकपा एमाले र नेकपा माओवादी केन्द्रबीच भएको चुनावी एकताले पार्टी एकताको मुर्तरुप लिँदै गर्दा एमाले र माओवादी नै भनिरहेका छन् एकताका लागि चलखेल भइरहेको छ ।
त्यो चलखेल अन्य दल वा शक्तिले नभइ आफूहरुभित्रको त्रास हो । किनकि यो गठबन्धन पवित्र यसै पनि छैन ।
पवित्र भइदिएको आशंका र संसय पैदा हुने थिएन ।
र, पनि अहिले जसरी पनि यिनीहरुबीच एकता हुनुपर्छ र पाँच वर्षसम्म बहुमतको सरकार बनाउनु पर्छ ।
यदि त्यसो हुन पाएन भने यिनीहरु फेरि वर्षौंसम्म बहुमतको सरकार नहुँदा विकास गर्न पाएनौं भन्दै जनतामाथि भ्रष्टाचार गरिरहन्छन् ।
अनि यही मेसोमा बढी वुद्धि भएका र लोकतान्त्रिक भनाउँदा काँग्रेस नेताहरुलाई पनि नयाँ नेपाल पढ्ने अवसर मिल्छ ।
एमाले र माओवादीले आश्वासनका पोका बाँडेको धेरै भएको छ ।
