काठमाडौं । नेकपा एमालेका अध्यक्ष केपी शर्मा ओलीले नवराज सिलवाल प्रकरण नयाँ बन्ने सरकारले छानविन गर्ने बताएका छन् । शनिवार एमलेले गरेको विशेष पत्रकार सम्मेलनमा बोल्दै ओलीले सो कुरा बताएका हुन् ।
उनले नवराज सिलवालले आफु असुरक्षित रहेको भनाइ निराधर नभएको बताए । उनले भने 'सिलवाल प्रकरण बारे पछि बन्ने सरकारले यथार्थमा छानविन गर्नेछ । जो दोषि छ त्यसलाई कार्वाहि हुनेछ ।'
कार्यसम्पादन मूल्याङ्कन कीर्ते प्रकरणमा फसेका सिलवाल बारे ओलीले सरकाले अन्य अपराधीहरु छोडेको तर सिलवालको पछि भने प्रहरीको लाम लागाएरै लाग्नु सरकारको नियत माथि प्रश्न उठेको बताए ।
उनले भने 'सरकारले बम पड्काउनेलाई छोड भन्ने नछोडे प्रहरीकै सरुवा गर्ने र उसैलाई बम पड्काउने गरेको छ । '
ललितपुर क्षेत्र नम्बर १ का सांसद सिलवालले आफू प्रधानमन्त्री शेरबहादुर देउवा र प्रहरी महानिरीक्षक प्रकाश अर्यालबाट असुरक्षित रहेको भन्दै विज्ञप्ति नै निकालेका थिए ।
उनले आफूमाथि झुटो आरोप लगाएर प्रतिशोध साँधिरहेको आरोपसमेत लगाए । कार्यसम्पादन मूल्याङ्कन कीर्ते प्रकरणमा फसेका सिलवाल भागीभागी कहिले ट्वीटरमा त कहिले विज्ञप्ति नै निकाल्ने गरेका छन् ।
नेपाल प्रहरीका पूर्वडिआर्इजी सिलवाललेआफूलाई फसाउन खोजिएकाले सम्पर्कमा नआएको समेत बताउँदै आएका छन् । झण्डै तीन दशक प्रहरी सेवामा रहेरका सिलवाल पुस १८ गतेदेखि बेपत्ता छन् । उनको परिवार समेत अमेरिका लागेको छ । उनकी श्रीमती र दुई छोरी अमेरिका गएका छन् ।
