बाहिर झुन्डिएको मुटु भित्र राखियो, झिलियांगले पाए नयाँ जीवन (तस्वीर सहित)

प्रकाशित मिति : २०७२ चैत २२ सोमबार

एजेन्सी । सामान्य मानिसको मुटु कहाँनेर हुन्छ, सबैलाई थाहा छ । स्वभाविक रुपमा  मुटु बाहिर देखिंदैन  । तर, चीनका २४ वर्षीय झिलियांगको मुटु छातीमा नभएर पेटको छालमा बसेको थियो ।  सामान्य मानिसको मुटु धड्किएको चाल मात्र पाइन्छ । तर, झिलियांगको मुटु हुनुपर्ने ठाउँमा त थिएननै , पेटमा भएको मुटु धड्किएको पनि बाहिरै स्पस्ट देखिन्य्यो ।

 ‘कोनजेनिटल कार्डियक एक्सपोजर सिन्ड्रोम’ नामक रोगका कारण झिलियांगलाई यस्तो समस्या भएको हो । यस रोगबाट पीडित ९० प्रतिशत व्यक्ति जीवित रहन सक्दैनन् । तर, झिलियांग ती १० प्रतिशत व्यक्तिहरु मध्येका एक हुन्, जो जीवित रहेर मुस्किलले बाँचिरहेका थिए । जीवन मरणको दोसाँधबाट अब उनि उम्किएका छन् ।   झिलियांगका बाबुआमालाई विश्वासै थिएन कि उनी यति लामो समय बाँच्न सक्छन् । तर,  उनको  सफल शल्यक्रिया पछि यो सम्भव भयो । जसले उनका बावु आमालाई चकित तुल्‍याएको छ ।  

केही समयअघि झिलियांगले एक समाचार पढे, जसमा उनको जस्तै समस्या भएका एक व्यक्तिले शल्यक्रियापछि स्वस्थ्य जीवनयापन गरेको खबर थियो ।  ती व्यक्तिको मुटु पनि पुरानै अवस्थामा फर्किएको समाचारमा उल्लेख थियो । समाचार पढेपछि झिलियांगले आफ्नो कपाल काट्ने पेशा त्यागे र उनी ‘वुहान’ पुगे । वुहान पुगेर उनले चिकित्सकलाई सम्पर्क गरे । चिकित्सकले अहिले झिलियांगको उक्त समस्यालाई शल्यक्रिया मार्फत समाधान गरेको  ‘डेली मेल’ले उल्लेख गरेको छ ।

 

 

नयाँ