-
-
-
-
पोखरा । कास्कीमा बिहीबार राति भूकम्पले हल्लाएको छ । राति ९ः५९ बजे अधिकांश मानिस शान्तिपूर्वक बिस्तारामा सुतिरहेका बेलामा कास्कीको गहचोकमा केन्द्रबिन्दू बनाएर भूकम्प गएको हो ।
भूकम्पको मापन ३.८ रेक्टर स्केलको रहे पनि शान्त समय भएकाले त्यसले धेरैलाई झस्काएको थियो ।
कम्तीमा ५ रेक्टर स्केलको गएको हुन सक्ने भन्दै स्थानीय घरबाहिर निस्केका थिए ।
राष्ट्रिय भूकम्प मापन तथा अनुसन्धान केन्द्रले राति उक्त क्षेत्रमा कुनै क्षतिको विवरण प्राप्त नभएको जनाएको छ ।
यो भूकम्पलाई पनि २०७२ सालको महाभूकम्पको पराकम्प भनिएको छ ।
