काठमाडौं । पछिल्लो समयकी चर्चित तथा व्यस्त गायिका मेलीना राईको स्वरमा सजिएको ‘धड्किरहन्छ मुटुभरी’ बोलको गीतसंगै भिडियो सार्वजनिक भएको छ ।
गीतमा साहित्यकार कवि एबम नेपाल सरकारका पूर्व सचिव दिपेन्द्रनाथ शर्माको शब्द, कन्काइष्ट राईको संगीत र देबेश राईको एरेन्ज रहेको छ ।
मर्मस्पर्शी शैलीको यस गीतको भिडियोमा नायिका वर्षा राउत र मोडल कुङसाङ बम्जनको अभिनय रहेको छ । भिडियो छांयाकनमा बुद्व थापा, सम्पादनमा बिकास धमला र निर्देशन निकेश खड्काले गरेका हुन ।
भिडियोमा जातिय माया प्रेम दर्शाइएको छ । एउटा दलित केटाले खान्दानी केटीलाई विवाह गरेर भगाएर लगेको देख्न सकिन्छ ।
एक अर्काले आफ्नो माया पाउन संघर्ष गरेर आफ्नो छुटै संसार बनाएको कथालाई गीतको भिडियोले समेटेको छ ।
नेपाली समाजमा अन्तरजातिय प्रेम सम्बन्ध र विवाहलाई स्वीकार्न नसकिरहेको बेला गीत मार्फत जातिय विभेदलाई अन्त्य गर्न सकिन्छ भन्ने सन्देश दिन खोजिएको छ ।
युवापुस्ताको प्रेमभावलाई प्रस्तुत गरेर तयार गरिएको गीतको भिडियोलार्इ संगीतकार कन्काइष्ट राईको अफिसियल च्यानलमा अपलोड गरिएको छ ।
